ကလေးသူငယ် ပြန်လည်ကျန်းမာ သန်စွမ်းရေး စင်တာ

• ဆွစ်ဇာလန်နိုင်ငံမှ လမ်းလျှောက်လေ့ကျင့်ခြင်းနည်းပညာ “ Lokomat ” ကို အသုံးပြုထားတဲ့ ကလေးများအတွက် စက်ရုပ်အထောက်အကူပြု လမ်းလျှောက်ကုထုံး (Robotic-Assisted Walking Therapy) ။ .
• ကလေးငယ်များရဲ့ ဦးနှောက် နဲ့ ဗဟိုနာ့ဗ်ကြော စနစ်  ၊ လူနာကလေးငယ်များရဲ့ ကြွက်သားများ ကို အကျိုးမြင့်မားဖြစ်ထွန်းစေမယ့် Redcord Physiotherapy (သိုင်းကြိုး အသုံးပြုကိုယ်ကာယဆိုင်ရာကုထုံး)
• ပြန်လည်သန်စွမ်းရေးဆိုင်ရာကျွမ်းကျင်ပညာရှင်များ ၊ ပညာရပ်ဆိုင်ရာအသီးသီးမှကလေး အထူးကု ပါရဂူများ ပါဝင်တဲ့အဖွဲ့ရဲ့ ကုသမှုအစီအစဉ်များနဲ့ ကလေးငယ်များရဲ့ စွမ်းရည်နဲ့  လုပ်နိုင်စွမ်း ကို ပြန်လည်တည်ဆောက်လေ့ကျင့်ပေးမယ့် ပညာရပ်တစ်ခုထက်ပိုပြီးတတ်ကျွမ်း နားလည်တဲ့ ကျွမ်းကျင်ပညာရှင်များ။
• Aquatic Therapy(ရေကူးကန်ထဲတွင်လေ့ကျင့်ပေးသည့်ကုထုံး) လေ့ကျင့်တဲ့ ရေကူးကန်ထဲမှာ Salt Chlorinator System(ဆားမှကလိုရင်းထုတ်ပေးသည့်စနစ်) အသုံးပြုထားတာကြောင့် ကလေးတွေရဲ့ အရေပြားနဲ့ မျက်စိကို မထိခိုက်စေ(ကျိန်းစပ်ခြင်းမရှိ) ပါဘူး။ Aquatic Therapy ဟာ ကြွက်သားနာကျင်ရောင်ရမ်း ခြင်းကို လျှော့ချပေးနိုင်ပြီး လူနာတွေကို သက်သောင့်သက်သာဖြစ်စေပါတယ်။ 

ကလေးသူငယ်ပြန်လည်သန်စွမ်းရေးဆေးခန်း(The Pediatric Rehabilitation Clinic) ဟာ ကလေးငယ်များအတွက် ကိုယ်ကာယကုသမှုနဲ့ ပြန်လည်သန်စွမ်းရေး ဝန်ဆောင်မှု များကို ဆောင်ရွက်ပေးပါတယ်။ ရောဂါလက္ခဏာအခြေအနေတစ်ခုကို ကုသချိန်မှာ စိတ်ပိုင်းဆိုင်ရာ ကျန်းမာရေးကိုလည်း ထည့်သွင်းစဉ်းစားရပါတယ်။ ကလေးသူငယ်ပြန်လည်သန်စွမ်းရေးဆေးခန်းရဲ့ ပြီးပြည့်စုံတဲ့ဝန်ဆောင်မှုများအတွက် ရူပကုထုံး(Physiotherapy)  ၊ ကလေးငယ်များနှင့်အနီးကပ်လေ့ကျင့်ခန်းများ လုပ်ဆောင်သည့်ကုထုံး(Occupational Therapy) ၊ စိတ်ပညာကုထုံး(Psychotherapy) ၊   အထူးပြုလေ့လာထားတဲ့ကျွမ်းကျင်ဆေးဘက်ဆိုင်ရာ ပညာရှင်များ ၊ စကားပြောနှင့်ဘာသာစကားပိုမိုပြောတတ်စေရန်သင်ကြားပေးသည့်ကုထုံး(Speech Therapy) စတဲ့ ပညာရပ်အသီးသီးမှ ကျွမ်းကျင်ပညာရှင်များပေါင်းစပ်ထားတဲ့ အဖွဲ့မှ တာဝန်ယူ လုပ်ဆောင်ပေးနေတာဖြစ်ပါတယ်။ ကျွမ်းကျင်ပညာရှင်အားလုံးဟာ ဆစ်မီတဝေ့ရဲ့ သတ်မှတ် စံချိန်စံညွှန်းများနဲ့အညီ ထိုင်းနိုင်ငံသာမက ပြည်ပနိုင်ငံများရှိ နာမည်ကျော်တက္ကသိုလ်များမှာ သက်ဆိုင်ရာ ပညာရပ်များကိုလေ့လာဆည်းပူးထားကြသူများဖြစ်ပါတယ်။

ကလေးငယ်များဟာ အရွယ်ရောက်ပြီးသားသူတွေမဟုတ်ကြပါဘူး။ ဒါကြောင့် သူတို့အတွက် ဆေးဝါးများ ၊ ကုသမှုများနဲ့ ပြန်လည်သန်စွမ်းရေးလေ့ကျင့်ခန်းများဟာ ကွဲပြားခြားနားပါတယ်။ ဒါကြောင့် ဆစ်မီတဝေ့ ကလေးဆေးရုံရှိ ကလေးသူငယ်ပြန်လည်သန်စွမ်းရေးဆေးခန်းမှာ ကလေးသူငယ်များအတွက် ဝန်ဆောင်မှုရဲ့ အရေးကြီးမှုကို သဘောပေါက်နားလည်တဲ့ ကလေးအထူးကုများက ကုသပေးနေတာဖြစ်ပါတယ်။ ကလေးသူငယ်များအတွက်တိကျသင့်လျော်တဲ့ ကုသမှုအစီအစဉ် ကုသမှုလုပ်ငန်းစဉ်များကို ဆရာဝန်များနဲ့ မိဘများ အတူတကွလက်တွဲပူးပေါင်းပြီး ရေးဆွဲကြပါတယ်။ ကုသမှုမှာ ပုံမှန်မဟုတ်တဲ့ဒေါင်းလက္ခဏာ(Down’s Syndrome) ၊ ဖွံ့ဖြိုးမှုနှေးကွေးခြင်း ၊ အော်တစ်ဇင် ၊ ခန္ဓာကိုယ်အနေအထား လှုပ်ရှားမှုဟန်ချက်မညီခြင်း (Cerebal Palsy) ၊ ခြေလက်မသန်စွမ်းခြင်းများ(Limb Disabilities) စတဲ့ ပြဿနာများအပြင် မွေးရာပါ ကိုယ်တစ်ခြမ်းစောင်းခြင်း ၊ တင်ပါး ဒူး ခြေဖဝါးများရဲ့ အရိုးအဆက်များပုံပျက်ခြင်း ကဲ့သို့သော ခန္ဓာကိုယ်တည်ဆောက်မှုပြဿနာများ အတွက်  ကလေးငယ်များမှာလိုအပ်တဲ့ ရုပ်ပိုင်းဆိုင်ရာသာမက စိတ်ပိုင်းဆိုင်ရာ ပြန်လည်ကျန်းမာ သန်စွမ်းရေးအစီအစဉ်များ ပါဝင်ပါတယ်။

ဒါ့အပြင် ကလေးငယ် ၊ ကလေးများရဲ့ မိဘများ ၊ ဆရာဝန်များ ၊ ရူပကုထုံးပညာရှင်များ ၊ အနီးကပ်လေ့ကျင့်ခန်း များပြုလုပ်ပေးသည့်ပညာရှင်များ ဟာ ပုံမှန်တွေ့ဆုံဆွေးနွေးကြပြီး ကုသမှုအစီအစဉ်များကို အတူတကွ စီစဉ်ရေးဆွဲကြပါတယ်။ ကျွမ်းကျင်ဆရာဝန်များရဲ့ အစီအစဉ်အတိုင်း ကလေးငယ်တစ်ဦးချင်းစီရဲ့ လိုအပ်မှု အပေါ် အခြေခံပြီး ကလေးတစ်ယောက်နဲ့တစ်ယောက် ကုသမှုတွေ မတူညီနိုင်ပါဘူး။ တစ်ဦးချင်းစီအတွက် သီးသန့်ကုထုံးများမှာ ကလေးများအတွက် ရေဖြင့်ပြုလုပ်ရသည့်လေ့ကျင့်ခန်း ၊ တစ်ဦးချင်းရူပကုထုံးပညာရှင် များရဲ့ လမ်းညွှန်ဦးဆောင်မှုနဲ့ အနီးကပ်ကုသခြင်း စတာတွေ ပါဝင်ပါတယ်။ ဒါ့အပြင် အော်တစ်ဇင် ကလေးငယ်များအတွက် အာရုံစူးစိုက်မှုနဲ့ နှိုးဆွလှုံ့ဆော်စိတ်ဖွံ့ဖြိုးတိုးတက်မှုအတွက် အာရုံခံစားမှုဆိုင်ရာ လေ့ကျင့်ခန်းများပေါင်းစပ်ထားသည့်ကုထုံး(Sensory Integration Therapy)  ၊ သက်သောင့်သက်သာ ဖြစ်ပြီး လှုံ့ဆော်စိတ်တိုးတက်စေသည့်နေရာတစ်ရပ်ဖန်တီးထားတဲ့ Snoezelen နည်းပညာများ အသုံးပြုပြီး ကုသပေးလျက်ရှိပါတယ်။

ကလေးငယ်များအတွက်စက်ရုပ်အထောက်အကူပြုလမ်းလျှောက်ကုထုံး (Robotic-Assisted Walking Therapy)

ဒီကုသမှုကတော့ ဦးနှောက် ၊ ကျောရိုးနာ့ဗ်ကြောမ(Spinal Cord) ၊ အရိုးနဲ့ကြွက်သား ပြဿနာများ ကြောင့်ရောဂါခံစားနေရသူ ကလေးသူငယ်လူနာများ ၊  ခန္ဓာက်ိုယ်အောက်ပ်ိုင်းကြွက်သားချိနဲ့နေသူ ကလေးငယ်များ အတွက် ကြွက်သားလုပ်ဆောင်မှုများ နဂိုအတိုင်းပြန်ဖြစ်လာစေတဲ့ ကုထုံးပဲ ဖြစ်ပါတယ်။ ဒီရောဂါပြဿနာတွေဟာ ဦးနှောက်သွေးကြောပြတ်ခြင်း(သို့)  ကျောရိုးနာ့ဗ်ကြောမ ထိခိုင်မှုများကြောင့်ဖြစ်တတ်သလို အပြင်းအထန်မတော်တဆ ထိခိုက်မှုများ ကြောင့်လည်း ဖြစ်တတ် ပါတယ်။ စက်ရုပ်အထောက်အကူပြုလမ်းလျှောက်လေ့ကျင့်ခန်း လူနာများ လမ်းစလျှောက်ရာမှာ ပိုမိုမြန်ဆန်စွာနဲ့ လျှင်မြန်စေဖို့ ၊ အဆက်မပြတ် ပုံမှန် လျှောက်လှမ်းစေနိုင်ဖို့ အထောက်အကူ ပြုပါတယ်။ ဒီလေ့ကျင့်ခန်းဟာ အာရုံကြောဆိုင်ရာထိခိုက်မှုနဲ့ ရောဂါပြဿနာများဖြစ်ပွားပြီးနောက် အာရုံကြောအဖွဲ့အစည်းများ ပြန်လည်သက်သာလာမှုဖြစ်စဉ်ကို ထိထိရောက်ရောက် နှိုးဆွပေးနိုင် ပါတယ်။ စက်ရုပ်အထောက်အကူပြုစက်ပစ္စည်းများကို အသုံးပြုခြင်းအားဖြင့် လူနာကလေးငယ်တွေ အနေနဲ့ လမ်းစလျှောက်တတ်လာပြီး ခံစားမှုဆိုင်ရာအာရုံကြောအဖွဲ့အစည်းရဲ့ နှိုးဆွမှုကို ထိရောက်စေတဲ့ လမ်းလျှောက်ကုထုံးကို ရရှိစေမှာဖြစ်ပါတယ်။ ဒီကုထုံးဟာ ဦးနှောက်နဲ့ ကျောရိုး ဆိုင်ရာရောဂါပြဿနာရှိတဲ့ ကလေးငယ်များအတွက် အရေးကြီးတဲ့ နည်းစနစ်တစ်ခုအဖြစ် ရှိနေပါတယ်။

စွမ်းရည်မြင့်မားတဲ့လမ်းလျှောက်လေ့ကျင့်စက်ရုပ်မှာ နည်းပညာအဆင့်အတန်းမြင့် Bodyweight Support System ( FreeD Module) ပါဝင်တဲ့ လမ်းလျှောက်စက်နဲ့ တုန့်ပြန်မှုရှိတဲ့ Computer Monitor System ကြောင့် ကလေးငယ်များအတွက် ငြီးငွေ့မှုမရှိဘဲ လမ်းလျှောက်ကုထုံးကို အဆက်မပြတ် လုပ်ဆောင်နိုင်မှာဖြစ်ပါတယ်။ အဆိုပါ Computer Monito System မှာ ကလေးငယ်ရဲ့  ကိုယ်ကာယကုထုံး လုပ်ဆောင်မှုတစ်ခုချင်းအလိုက် အချက်အလက်တွေကို သိရှိနိုင်မှာဖြစ်ပါတယ်။

လူနာတစ်ယောက်ချင်းစီရဲ့ လိုအပ်ချက်နဲ့ ရောဂါပြဿနာများအပေါ်မူတည်ပြီး Computer Monitor System ကို ပရိုဂရမ် ရေးဆွဲနိုင်သလို လမ်းလျှောက်ရမယ့် အတိုင်းအတာကိုလည်း အဆင့်အလိုက် သတ်မှတ်ထားနိုင်ပါတယ်။ ဒီ System မှာ တကယ်လုပ်ဆောင်ခဲ့တဲ့ လမ်းလျှောက်လေ့ကျင့်မှုတွေကို ပြသထားပါတယ်။ စခရင်မ်ပေါ်မှ လက်တွေ့ အချက်အလက်ပုံရိပ်တွေဟာ သက်ဆိုင်ရာ ကြွက်သား တစ်ခုချင်းစီကို နှိုးဆွပေးပြီး ငယ်ရွယ်တဲ့ လူနာများကို  သူတို့လိုချင်တဲ့ လမ်းလျှောက်ခြင်းနဲ့ ကိုယ်ကာယကုထုံး လုပ်ဆောင်မှုအတွင်း ကိုယ်ကာယကုထုံး စိတ်ဓာတ်တက်ကြွမှုနဲ့ စိတ်အားတက်စရာ ခံစားမှုတွေကို ပေးစွမ်းပါတယ်။

စက်ရုပ်အထောက်အကူပြုလေ့ကျင့်ခန်းနဲ့အသင့်တော်ဆုံးလူနာကလေးငယ်များ

• ကြွက်သားအားနည်းတဲ့အခြေအနေရှိလူနာကလေးငယ်များ( ဥပမာ-ဦးနှောက်သွေးကြောပြတ်ခြင်း ကြောင့်အကြောသေသွားသူများ ၊ ဦးနှောက်ထိခိုက်မိသူများ ၊ ကျောရိုးနာ့ဗ်ကြောမထိခိုက်မိသူများ) ၊ မတော်တဆထိုခိုက်မှုကြောင့် အာရုံကြောဆိုးဆိုးရွားရွားထိခိုက်မိသူများ ။
• ခွဲစိတ်ကုသမှုပြုလုပ်ထားသည့်လူနာကလေးငယ်များ ။
• အာရုံကြောဆိုင်ရာရောဂါပြဿနာရှိတဲ့လူနာကလေးငယ်များ ( ဥပမာ- Parkinson’s Disease(အာရုံကြောစနစ်ထိခိုက်ပြီးလှုပ်ရှားသွားလာမှုကိုထိခိုက်စေသောရောဂါ) ၊ ဦးနှောက်ကြုံ့ရောဂါ(Cerebral Atrophy) )

ဦးနှောက်နဲ့ ကျောရိုးနာ့ဗ်ကြောမ ထိခိုက်မှုများကြောင့်အကြောသေနေတဲ့ လူနာအတွက်   ကြွက်သားအသုံးပြုမှုကို ပြင်းပြင်းထန်ထန်နဲ့ တစ်သမတ်တည်း ဦးစားပေးလုပ်ဆောင်တဲ့ ကုသမှုဟာ ပုံမှန်လှုပ်ရှားမှုထက် ပိုအကျိုးရှိပါတယ်။   သမားရိုးကျ ရူပကုထုံးများထက်စာရင် စက်ရုပ်အထောက်အကူပြုလေ့ကျင့်ခန်းဟာ လမ်းလျှောက်ခြင်းကို ပိုမို တိုးတက်စေပါတယ်။
 

* အရိုးဆတ်တဲ့ကလေးငယ်တွေအတွက် စက်ရုပ်အထောက်အကူပြုလမ်းလျှောက်လေ့ကျင့်ခန်းနဲ့ မသင့်တော်ဘူးဆိုတာကိုလည်း သိထားရပါမယ်။  

သိုင်းကြိုးအသုံးပြုလုပ်ဆောင်ရသည့် Redcord Suspension လေ့ကျင့်ခန်း

သိုင်းကြိုးအသုံးပြုပြီး လုပ်ဆောင်ရတဲ့ Redcord Suspension လေ့ကျင့်ခန်းဟာ ပြန်လည်သန်စွမ်း ရေး လုပ်ဆောင်မှုလေ့ကျင့်ခန်းတွေထဲမှာ ထိရောက်မှုမြင့်မားပြီး ကလေးငယ်များသာမက အရွယ်ရောက်ပြီး လူငယ်များအတွက်ပါ သင့်တော်ပါတယ်။ ဒီနည်းစနစ်ဟာ ဦးနှောက်ထိခိုက်မှု ၊ ကျောရိုးနာ့ဗ်ကြောမထိခိုက်မှုကြောင့် အာရုံခံစားမှုနဲ့ လှုပ်ရှားမှုမပြုနိုင်ခြင်းအခြေအနေ စသည်တို့ကြောင့် ယိုယွင်းနေတဲ့  အာရုံကြောကြွက်သားလှုပ်ရှားမှုများကို သန်မာလာအောင် လေ့ကျင့် ထိန်းညှိပေးပါတယ်။ ကြွက်သားများကို ပြန်လည်လှုပ်ရှားစေခြင်းနဲ့ ပြောင်းလဲအောင် လေ့ကျင့်ပေးခြင်း ဟာ အောင်မြင်တဲ့အကျိုးရလဒ်များဖြစ်လာစေဖို့ အဓိက ကျပါတယ်။ အထူးသဖြင့် ချိနဲ့နေတဲ့ အခြေအနေ ကြုံတွေ့ရတဲ့ ကလေးငယ်များအတွက် ပုံမှန် တိုးတက်ဖွံ့ဖြိုးမှု ပြန်လည်ရရှိစေဖို့ အကျိုးထိရောက်စေပါတယ်။

Redcord suspension exercise system  Redcord Suspension Exercise နဲ့ ခန္ဓာကိုယ်တစ်ခုလုံးရဲ့ အာရုံကြောကြွက်သားအပြောင်းအလဲ ဖြစ်အောင် လေ့ကျင့်ရာမှာ တိုးတက်လာတာရှိသလို မူလအတိုင်းပဲ ပြန်ရောက်ရှိသွားတာလည်း ဖြစ်နိုင်ပါတယ်။ ဒီနေရာမှာ ကြွက်သားနဲ့အရေပြား မတည်ငြိမ်မှုနဲ့ နာကျင်မှုတွေ ၊ ပုံမှန်လှုပ်ရှား လုပ်ဆောင်မှု ပြန်လည်ရရှိဖို့ဟာ လူနာကိုအနီးကပ် ကုသလေ့ကျင့်ပေးမယ့် ဆရာဝန်အတွက် သေချာကြိုးစားအားထုတ်ရမယ့် စိန်ခေါ်မှုတစ်ရပ်ပါပဲ။  ဒီလေ့ကျင့်မှုမှာတော့ Redcord ကနေ တီထွင်ထားတဲ့ ဘန်ဂျီကြိုးအထောက်အကူ(Bungee Assistance) အသုံးပြုကာ တိကျတဲ့ရုပ်ပိုင်းဆိုင်ရာ ကုထုံးတွေကို လုပ်ဆောင်ရမှာဖြစ်ပါတယ်။

Redcord suspension exercise system Redcord Suspension လေ့ကျင့်ခန်းဟာ နာတာရှည် ကြွက်သားနဲ့ အရိုးအဆစ် ဝေဒနာခံစားရသူ တွေအတွက်လည်း အဆင်ပြေပါတယ်။ ဒီကုထုံးဟာ ခန္ဓာကိုယ်မှာ ဆိုင်းထိန်းထားပြီး အထောက်အကူပြုတဲ့ နေရာတွေကို ဖြတ်သန်းပြီး ကြွက်သားတွေကို လှုံ့ဆော်မှုပေးတာ ဖြစ်ပါတယ်။ ဒါဟာ လူနာကလေးငယ်များရဲ့ ပုံမှန်လှုပ်ရှားမှုကို တိုးမြှင့်ပံ့ပိုးပေးပါတယ်။

Redcord Therapyရဲ့ ကောင်းကျိုးများ

1. ကလေးငယ်များရဲ့ ခန္ဓာကိုယ်အစိတ်အပိုင်းအမျိုးမျိုးကို လေ့ကျင့်လှုပ်ရှားစေနိုင်သလို သူတို့ရဲ့ ကြွက်သားအစုအဖွဲ့တွေကို ဘယ်လိုအသုံးပြုရမယ်ဆိုတာ လေ့လာသင်ယူနိုင်တာကြောင့် လေ့ကျင့်ခန်း ကို မှန်မှန်ကန်ကန်ပြုလုပ်နိုင်မှာဖြစ်ပါတယ်။
2. Redcord Therapy ဟာ နာကျင်မှုနဲ့ ကြွက်သားရောင်ရမ်းမှုကိုလျှော့ချပေးနိုင်တာကြောင့် ကြွက်သား လှုပ်ရှားလုပ်ဆောင်မှု ၊ သန်မာမှုနဲ့ ခံနိုင်ရည်စွမ်းကို တိုးမြင့်စေပြီး ကလေးငယ်တွေကို ရူပကုထုံးပိုမိုကြာ ရှည်စွာလုပ်ဆောင်နိုင်ရန် ကူညီပေးမှာပါ။
3. Parkson’s Disease (အာရုံကြောစနစ်ထိခိုက်ပြီးလှုပ်ရှားသွားလာမှုကိုထိခိုက်စေသောရောဂါ) နဲ့ စိတ်ပိုင်းဆိုင်ရာ ချို့ယွင်းမှု များကဲ့သို့သော နာတာရှည်ကျန်းမာရေးပြဿနာအမျိုးမျိုးအတွက် သင့်လျော်တဲ့ ကုသမှုဖြစ်ပါတယ်။
4. Redcord Suspension လေ့ကျင့်ခန်းဟာ ခန္ဓာကိုယ်ရဲ့ သဘာဝ စည်းချက်အတိုင်း အလုပ် လုပ်တာ ကြောင့် သူ့ရဲ့ ဆိုင်းထိန်းထားပြီး ထောက်ပံ့ပေးတဲ့ စနစ်ဟာ လူနာတွေကို သက်သောင့်သက်သာ ခံစားရစေပါတယ်။

Aquatic Therapy(ရေကူးကန်ထဲတွင်လေ့ကျင့်ပေးသည့်ကုထုံး)

Aquatic Therapy ဟာ ဖျားနာမှုကြောင့် သူတို့ရဲ့ ဗဟိုနာ့ဗ်ကြောစနစ်နဲ့ ကြွက်သားလုပ်ဆောင်မှု ကို ထိခိုက်ထားမှုကြောင့် လှုပ်ရှားမှုဆိုင်ရာ ပြဿနာရှိနေသူ လူနာကလေးငယ်များအတွက် ရေကို အခြေခံပြီး လေ့ကျင့်ပေးတဲ့ ကုံးဖြစ်ပါတယ်။ ဒါ့အပြင် မတော်တဆထိခိုက်မှုများကြောင့် ဟန်ချက်ညီမျှမှု(သို့) လက်မောင်း ၊ ခြေထောက်(သို့) အဓိက ကြွက်သားအုပ်စု များကို ထိခိုက်မိထား သူ ကလေးငယ်များအတွက်လည်း Aquatic Therapy ဟာ ရွေးချယ်စရာတစ်ခုပါ။

Aquatic Therapy လုပ်ဆောင်ရာ ရေကူးကန်များကို ဆားမှကလိုရင်းထုတ်ပေးသည့်စနစ်(Salt Chlorinator System) အသုံးပြုထားတာကြောင့်  ကလေးငယ်များရဲ့ အရေပြား(သို့)မျက်လုံး ကျိန်းစပ်ခြင်းမှ ကာကွယ်နိုင်ပါတယ်။

Aquatic Therapy ရဲ့ ကောင်းကျိုးများ

1. လူနာရဲ့ ခန္ဓာကိုယ်အစိတ်အပိုင်းတော်တော်များများကို လွတ်လွတ်လပ်လပ်ရွေ့လျားစေနိုင်သလို ဒီနည်းလမ်းအားဖြင့် သူတို့ပိုင်ဆိုင်ထားတဲ့ ခန္ဓာကိုယ်ကို ပိုမိုနားလည်စေမှာဖြစ်ပါတယ်။
2. အမျိုးမျိုးသောနာတာရှည်ကျန်းမာရေးပြဿနာများကို ကုသဖို့ အကြံပြုထောက်ခံထားတဲ့ ကုထုံး ဖြစ်ပါတယ်။
3. နာကျင်ရောင်ရမ်းခြင်းကို လျော့ကျစေပြီး လူနာကို သက်သောင့်သက်သာ ခံစားရစေပါတယ်။

* ဝမ်းမနိုင်တဲ့ ကလေးငယ်များအတွက်တော့ Aquatic Therapy ဟာ မသင့်တော်ပါဘူး။

Snoezelen Multi-Sensory Environments

Snoezelen ဆိုတာဟာ ကုထုံးတစ်ခုဖြစ်ပြီး လူနာကို တိတ်ဆိတ်ငြိမ်သက်ပြီး လှုံ့ဆော်မှုပေးတဲ့ ဝန်းကျင်မှာ နေစေပြီး အခြေခံ အာရုံခံစားမှုစနစ်များကို နှိုးဆွပေးတာဖြစ်ပါတယ်။  Snoezelen Therapy မှာ လူနာတစ်ဦးချင်းစီအလိုက် စက်ကိရိယာအမျိုးမျိုးကို အသုံးပြုလေ့ရှိပြီး အထူးသဖြင့် ကလေးငယ်များအတွက် အောက်ပါ အာရုံခံစားမှုဆိုင်ရာ လှုံ့ဆော်မှုတွေကို ရရှိစေပါတယ်။ 

ဒီ အာရုံလှုံ့ဆော်မှုတွေကို ပေါင်းစပ်ပြီး ကလေးငယ်အတွက် အံဝင်ခွင်ကျဖြစ်စေမယ့် အာရုံခံစားမှု တွေရရှိအောင် လုပ်ဆောင်ပေးတာဖြစ်ပါတယ်။ တစ်ဦးချင်းစီရဲ့ အာရုံခံစားမှုကို လက်ခံနိုင်စွမ်းနဲ့ လုပ်ဆောင်မှုအပေါ်မူတည်ပြီး  သက်သောင့်သက်သာခံစားမှု(သို့)  နိုးကြားမှု ဟာ ကလေးငယ်တွေရဲ့ သင်ယူနိုင်စွမ်းနဲ့ မတူညီတဲ့ လှုပ်ရှားမှုတွေကို လွတ်လွတ်လပ်လပ် လုပ်ဆောင်နိုင်အောင် ပံ့ပိုးပေးမှာဖြစ်ပါတယ်။

Snoezelen နည်းပညာနဲ့ လေ့ကျင့်မှုခံယူသင့်သူများ

• သင်ယူလေ့လာမှုအခက်အခဲရှိသူများ
• ဦးနှောက်ထိခိုက်မှုရှိထားသူများ
• သီးသန့်လိုအပ်ချက်ရှိတဲ့ကလေးငယ်များ
• နာတာရှည်နာကျင်မှုဝေဒနာခံစားနေရသည့်ကလေးငယ်များ
• စိတ်ပိုင်းဆိုင်ရာကျန်းမာရေးပြဿနာရှိသူများ
• ဦးနှောက်သွေးကြောပြတ်သူများ

Snoezelen Therapy ရဲ့ ကောင်းကျိုးများ

• အာရုံစူးစိုက်မှုကိုမြှင့်တင်ပေခြင်း
• ပေါင်းသင်းဆက်ဆံရေးအရည်အချင်းမြင့်မားလာခြင်း
• ပြောဆိုဆက်သွယ်မှုစွမ်းရည်မြင့်မားလာခြင်းနှင့်ပတ်ဝန်းကျင်နှင့်သဟဇာတဖြစ်မှုမြင့်မားခြင်း
• သက်သောင့်သက်သာဖြစ်အောင်အထောက်အပံ့ပေးခြင်း
• စိတ်ကျခြင်းလက္ခဏာများလျော့ပါးခြင်း
• ကြောက်စိတ်ကိုလျှော့ချပေးခြင်းနှင့် ငြီးငွေ့စိတ်ကိုသက်သာစေခြင်း

* ရုတ်တရက်တက်ခြင်းမျိုး ပြဿနာရှိတဲ့ကလေးငယ်တွေအတွက် Snoezelen Multi-Sensory Environmet ဟာ လုပ်ဆောင်ရန်မသင့်တော်ပါဘူး

Multidisciplinary Team

Multidisciplinary Teamဆိုတာကတော့  နယ်ပယ်အသီးသီးမှ ကျွမ်းကျင်ဆရာဝန်များ ၊ အသိပညာရှင် အတတ်ပညာရှင်များ ပေါင်းစပ်ဖွဲ့စည်းထားတဲ့ ကုသလေ့ကျင့်ရေး အဖွဲ့ဖြစ်ပါတယ်။ ကလေးသူငယ်ပြန်လည်သန်စွမ်းရေးရဲ့ အဓိက ရည်ရွယ်ချက်ကတော့ ကလေးငယ်များရဲ့ ခန္ဓာကိုယ် ၊ စိတ်ဓာတ်နဲ့ သင်ယူမှုစွမ်းရည်တွေ ဘက်ညီမျှတစေဖို့ဖြစ်ပါတယ်။ ပူးပေါင်းဆောင်ရွက်ပြီး ပညာရပ် အသီးသီးမှ ချဉ်းကပ် လေ့ကျင့်စေခြင်းဟာ ကလေးငယ်ရဲ့ မူလအခြေအနေပြန်လည်ရရှိဖို့ အဓိကကျတဲ့ အချက်ပဲဖြစ်ပါတယ်။

• ရောဂါအခြေအနေအမျိုးမျိုး ( သွက်ချာပါဒဖြစ်ခြင်း ၊ မူမှန်သောလှုပ်ရှားမှု ၊ ကလေးများတွင်ဖြစ်တတ်တဲ့ သိမြင်မှုဆိုင်ရာပြဿနာများ ကဲ့သို့) ကို ထိန်းညှိပေးရန် သင့်တော်သည့်ကုသမှုများအတွက် ဆေးဘက်ဆိုင်ရာတိုင်ပင်ဆွေးနွေးမှုများ နှင့် ဆေးဝါးညွှန်ကြားပေးမှုများ။
• ကြံ့ခိုင်သန်စွမ်းမှုတည်ဆောက်ရန် ၊ ကြွက်သားထိန်းချုပ်မှုမြှင့်တင်ရန် ၊ လှုပ်ရှားမှုများကို ထောက်ပံ့ရန် နှင့် လမ်းလျှောက်မှုစွမ်းရည်မြင့်မားဖို့အတွက် ယေဘုယျရုပ်ပိုင်းဆိုင်ရာလေ့ကျင့်မှု(သို့) အထူးလေ့ကျင့်မှုနည်းလမ်းများ (ဥပမာ- Vojta Therapy ၊ MAES Therapy) အသုံးပြုသည့် ရုပ်ပိုင်းဆိုင်ရာကုထုံး ။
• လက်အင်္ဂါအစိတ်အပိုင်းများ လှုပ်ရှားနိုင်စွမ်းနဲ့ စိတ်ပိုင်းဆိုင်ရာစွမ်းရည် မြင့်မားစေရန် ၊ ပေါင်းစပ်ထားသည့်အာရုံခံစားမှုဆိုင်ရာလေ့ကျင့်မှုများဖြင့် မျိုချနိုင်စွမ်းမြင့်မားရန် ရည်ရွယ်သည့် လက်တွေ့လုပ်ဆောင်မှုကုထုံး ။ လက်အင်္ဂါအစိတ်အပိုင်းများ လေ့ကျင့်ခြင်းနှင့် မျိုချမှုပြဿနာများအတွက် လေ့ကျင့်မှုအမျိုးမျိုး။
• Snoezelen Multi-Sensory နည်းပညာကဲ့သို့သော အထူး လေ့ကျင့်မှုနည်းလမ်းများ
• စကားပြောစွမ်းရည် ၊ ဆက်သွယ်ပြောဆိုမှုနိုင်မှုစွမ်ရည်  မြင့်မားစေရန်နှင့် ပါးစပ်ထိန်းချုပ်နိုင်မှုနှင့်ဆက်စပ်နေသည့် ကြွက်သားများကိုလေ့ကျင့်ပေးတဲ့ Speech Therapy
• သင်ယူနိုင်မှုစွမ်းရည်ကိုမြှင့်တင်ပေးတဲ့ စိတ်ရောဂါအကြံပေးပညာရှင်ဝန်ဆောင်မှု
• ခြေတုလက်တု ၊ Otrhotic Footware(ခြေဖဝါးနှင့်ခြေဖနောင့်ပြဿနာများအတွက်ကိရိယာတပ်ဆင် ထားသည့်ဖိနပ် )  ၊ ကိရိယာများ ထုတ်လုပ်ဝန်ဆောင်မှုပေးခြင်း။

ကျွန်တော်တို့ ကလေးသူငယ်ပြန်လည်သန်စွမ်းရေး စင်တာရဲ့ ခံယူချက်ကတော့ ရိုးရှင်းပါတယ်။ ကလေးငယ်များရဲ့ ဖွံ့ဖြိုးတိုးတက်မှုနဲ့  ကျန်းမာဖို့အတွက် အတတ်စွမ်းန်ိုင်ဆုံး အရေးကြီးတဲ့ အရာတွေကို ဖြည့်စွမ်းပေးဖို့ဖြစ်ပါတယ်။  ကျွန်တော်တို့ဟာ ကလေးငယ်တစ်ယောက်ချင်းစီအတွက် မျှော်မှန်းထားတဲ့ ရှင်းလင်း တိကျတဲ့ အောင်မြင်မှုလမ်းကြောင်းဆီ ရောက်ရှိဖို့ အစီအစဉ်ရေးဆွဲခြင်း လက်တွေ့အသုံးချခြင်းများကို အားလုံးအတူတကွ နီးစပ်စွာလုပ်ဆောင်နေတာဖြစ်ပါတယ်။