အဆင်ပြေပြီးပြည့်စုံတဲ့မိခင်နို့တိုက်ကျွေးမှုဖြစ်အောင်ကူညီဝန်ဆောင်မှုပေးခြင်း
ဆစ်မီတဝေ့ဆူခွန်ဗစ်ဆေးရုံရဲ့ မိခင်နို့တိုက်ကျွေးရေးဆေးခန်း(Lactation Clinic) ဟာ အောင်မြင်စွာ မိခင်နို့တိုက်ကျွေးနိုင်ရေးအတွက် တစ်နေရာတည်းမှာ ဝန်ဆောင်မှုပေးနိုင်ဖို့ ရည်ရွယ်ပြီး တည်ထောင်ခဲ့တာဖြစ်ပါတယ်။ ဆစ်မီတဝေ့ဆူခွန်ဗစ် ဆေးရုံဟာ ထိုင်းနိုင်ငံမှာ WHO ၊ UNICEF နဲ့ ပြည့်သူ့ကျန်းမာရေးဝန်ကြီးဌာန (Ministry of Public Health) များရဲ့ “ Baby-Friendly Hospital ” အဖြစ် နိုင်ငံတကာအသိအမှတ်ပြု သတ်မှတ်ခံခဲ့ရပါတယ် ။ ကျွန်တော်တို့ဆေးရုံအနေနဲ့ မိခင်အတွက်ရော ကလေးအတွက်ပါ မိခင်နို့တိုက်ကျွေးခြင်းရဲ့ အရေးပါမှုကို တန်ဖိုးထားသလို မိခင်နဲ့ကလေးများအတွက် တစ်ညီတစ်ညွတ်တည်းကောင်းကျိုးဖြစ် ထွန်းစေမယ့် အတွေ့အကြုံတစ်ခုကို လက်တွေ့ ပံ့ပိုးကူညီပေးနေတာဖြစ်ပါတယ်။
မိခင်သာမက ကလေးငယ်အတွက်ပါ သက်ဆိုင်တဲ့ မိခင်နို့တိုက်ကျွေးခြင်း စိန်ခေါ်မှုကို ကျွန်တော်တို့ ကောင်းစွာနားလည်သဘောပေါက်ထားပါတယ်။ သင်ဆေးရုံကို ရောက်လာတဲ့အခါမှာ မိခင်ရောကလေးအတွက်ပါ ဝန်ဆောင်မှုပေးနိုင်ဖို့ ကျွန်တော်တို့ဆေးရုံဝန်ထမ်းများမှ အသင့်ရှိနေပါတယ်။ မိခင်နို့ချိုတိုက်ကျွေးမှု အကြံပေးဝန်ထမ်းများမှ မိခင်နဲ့ ကလေးအတွက် အချိန်တစ်ခုပေးပြီးတဲ့ အခါမှာ တစ်ဦးချင်းအတွက် ရေးဆွဲထားတဲ့ စောင့်ရှောက်မှုအစီအစဉ်တွေကို ရေးဆွဲပေးပါလိမ့်မယ်။ သတ်မှတ်ထားတဲ့ စံချိန်စံညွှန်းများအတ်ိုင်း ထိန်းသိမ်းနိုင်ဖို့ ကျွန်တော်တို့ဆေးခန်းကို မွေးကင်းစကလေးစောင့်ရှောက်ရေးပညာရှင်တစ်ဦး ၊ အပြည်ပြည်ဆိုင်ရာအသိအမှတ် ပြု မိခင်နို့တိုက်ကျွေးမှုအကြံပေးပညာရှင် (IBCLC) နဲ့ မိခင်နို့တိုက်ကျွေးမှုသူနာပြုများ မှ ဦးဆောင်ပေးနေတာဖြစ်ပါတယ်။ သင်ရည်မှန်းထားတဲ့ မိခင်နို့တိုက်ကျွေးမှုရည်မှန်း ချက်အတိုင်း ပိုမိုစိတ်သက်သာပြီး ယုံကြည်မှုရှိစေဖို့ ကျွန်တော်တို့ အတူတကွ လက်တွဲလုပ်ဆောင်သွားမှာဖြစ်ပါတယ်။
ကျွန်တော်တို့ရဲ့ဝန်ဆောင်မှုများ
- မမွေးဖွားခင်ဆွေးနွေးအကြံပေးခြင်း ဝန်ဆောင်မှုကို ရက်ချိန်းရယူမှသာလျှင် ပြင်ပလူနာအနေနဲ့ လုပ်ဆောင်ပေးနေပါတယ်။ မမွေးဖွားခင်ဆွေးနွေးအကြံပေး ရတဲ့ အဓိကအကြောင်းအရင်းများကတော့ -
- ရင်သားခွဲစိတ်မှုရာဇဝင်အကြောင်း ( နို့သီးခေါင်းဖြတ်ထုတ်ခြင်းနှင့်အတူ ရင်သား ဖြတ်ထုတ်ခြင်း(သို့) အစားထိုးခြင်း)
- ယခင်ကနို့ချိုတိုက်ကျွေးမှုအဆင်မပြေဖြစ်ခဲ့သည့်အတွေ့အကြုံများ
- အမြွှာများကိုနို့ချိုတိုက်ကျွေးဖို့ပြင်ဆင်ခြင်း
- ဆေးရုံဆင်းပြီးနောက်မိခင်နှင့်ကလေးအတွက် ပြင်ပလူနာအဖြစ်ဆွေးနွေးအကြံပေးခြင်း
- ကြိုတင်ကာကွယ်ထားရမည့်မိခင်နို့တိုက်ကျွေးခြင်းနှင့်ပတ်သက်သည့်စိန်ခေါ်မှုများ
- နို့မစို့သောကလေး
- နို့သီးခေါင်းများနာကျင်ခြင်းနှင့်ရင်သားနာကျင်ခြင်း ( မှိုစွဲခြင်း ၊ ရင်သားရောင်ရမ်းခြင်း ၊ နို့လမ်းကြောင်းပိတ်ခြင်း)
- နို့ရည်ထွက်ရှိမှုပမာဏပြဿနာများ
- ကလေးငယ်များရဲ့အထူးလိုအပ်မှုများအတွက်မွေးဖွားပြီးရက်ပိုင်းအတွင်းသင်ကြားပို့ချခြင်း
- အမြွှာကလေးငယ်များအတွက်နို့ချိုတိုက်ကျွေးဖို့ကူညီဝန်ဆောင်ပေးခြင်း
- လမစေ့ဘဲမွေးလာသောကလေးများအတွက်ကူညီဝန်ဆောင်မှုပေးခြင်း
- မိခင်နို့တိုက်ကျွေးခြင်းနှင့်ဆေးဝါးအချက်အလက်များ
- မွေးစားကလေးများအတွက်မိခင်နို့တိုက်ကျွေးဖို့ဖန်တီးပြုလုပ်ပေးခြင်း
- လျှာလိပ်ခြင်း ၊ နှုတ်ခမ်းကွဲခြင်း ၊ ၂၁ ခုမြောက်ခရိုမိုဆုန်းကြောင့်ဖြစ်သည့်ဒေါင်းလက္ခဏာ(Trisomy 21) ကဲ့သို့သော ပြဿနာများ
- နို့ဖြတ်ခြင်း
- လုပ်ငန်းခွင်ပြန်လည်ဝန်ရောက်ရန်ပြင်ဆင်ခြင်း
- အတွင်းလူနာဆွေးနွေးအကြံပေးခြင်း - နို့ချိုတိုက်ကျွေးရာတွင်ကြုံရသည့်စိန်ခေါ်မှုများနှင့် အဖြစ်များသည့်ပြဿနာများ ( နို့စို့ရခက်ခဲခြင်း ၊ နို့သီးခေါင်းများနာကျင်ခြင်း ၊ ရင်သားရောင်ရမ်းခြင်း ၊ ရင်သားအကျိတ်တည်ခြင်း ၊ နို့ရည်မလုံလောက်ခြင်း ၊ မွေးကင်းစအရွယ်မှာကိုယ်အလေးချိန်သိသိသာသာကျခြင်း(သို့)ကိုယ်အလေးချိန်တက်ဖို့ နှေးခြင်း ၊ လျှာလိပ်ခြင်း )
- နို့ချိုတိုက်ကျွေးမှုအထောက်အကူပြုဝန်ဆောင်မှုများ - မိခင်နို့တိုက်ကျွေးသည့်အခန်းနှင့် မိခင်နို့ရည်ညှစ်ထုတ်ယူရာနေရာ
- မိခင်များအတွက်တယ်လီဖုန်းဖြင့်အကြံဉာဏ်ရယူလိုလျှင် - ၀၂-၀၂၂၂-၂၃၄၅ ကို ခေါ်ဆိုပါ
- မမွေးဖွားခင်အချိန်မိခင်နို့တိုက်ကျွေးရေးသင်တန်း - သတင်းအချက်အလက်များဆက်လက်သိလိုလျှင်ဒီနေရာမှာကလစ်နှိပ်ပါ။
မကြာခင်မိဘနေရာရောက်လာမယ့်သူများအတွက် မိခင်နို့တိုက်ကျွေးရေး သင်တန်းများကိုလည်း မမွေးဖွားခင် ဆေးရုံမှာသင်ကြားပေးလျက်ရှိပါတယ်။ ဆစ်မီတဝေ့ဆေးရုံ အနေနဲ့ အောက်ပါ ကဏ္ဍများနဲ့ပတ်သတ်ပြီး ပိုမို ကျယ်ကျယ်ပြန့်ပြန့်သိရှိစေနိုင်ဖို့ အကောင်းဆုံးစတင်ရန် ရည်ရွယ်ထားပါတယ်။
-
- နို့ချိုတိုက်ကျွေးမှုသဘောတရား
- မွေးပြီးစအချိန်မိခင်နှင့်ကလေးအနီးကပ်ရှိစေခြင်း(Skin-to-skin care) ရဲ့ အရေးပါမှုနဲ့ Baby-Friendly Hospital ရဲ့ အဆင့်(၁၀) ချက်
- မွေးကင်းစကလေးငယ်များအတွက်စောင့်ရှောက်ပေးခြင်း
- လက်တွေ့ကိုအခြေခံသည့်နို့ချိုတိုက်ကျွေးလေ့ကျင့်မှု
အဆိုပါ မမွေးဖွားခင် မိခင်နို့တိုက်ကျွေးရေးသင်တန်းဟာ မိခင်များနဲ့ သူတို့ရဲ့ အဖော်များအတွက်ဖြစ်ပါတယ်။ ဒီသင်တန်းကို ကျစ်လျစ်သေးငယ်စွာဖွဲ့စည်းထားပြီး သိလိုသည့်မေးခွန်း များနဲ့ ဆွေးနွေးတိုင်ပင်မှုများ လွတ်လပ်ပေါ့ပါးစွာလုပ်ဆောင်နိုင်အောင် တည်ဆောက်ထားတာဖြစ်ပါတယ်။