ဆေးကုသမှုဆိုင်ရာ ရလဒ်များ
- ရိုးတွင်းခြင်ဆီ အစားထိုးကုသမှုအပြီး တစ်နှစ်တာအတွင်း အသက်ရှင်နှုန်း 92% (ဥရောပ သွေးနှင့် ရိုးတွင်းခြင်ဆီ အစားထိုးကုသမှုအသင်း၊ သွေးနီဥကို ထိခိုက်စေသော မျိုးရိုးလိုက် သွေးရောဂါအုပ်စု ဆိုင်ရာ မှတ်ပုံတင်ဌာန 2001-2010 ပါ အချက်အလက် [88% နှင့် အထက်] နှင့် နှိုင်းယှဉ်ချက်ဖြစ်ပြီး၊ ၂၀၁၆ ခုနှစ် က ထုတ်ပြန်ထားသော ရိုးတွင်းခြင်ဆီအစားထိုးကုသမှုဆိုင်ရာ အချက်အလက်မှတ်တမ်းများ အရ 2016;51:536-41)
- မိဘ (သို့မဟုတ်) မောင်နှမအရင်းထံမှ Stem Cell တစ်ဝက်တူ အစားထိုးကုသမှု ခံယူသော သာလာဆီးမီးယားသွေးအားနည်းရောဂါရှိ ကလေးငယ်များတွင် ကုသမှုကြောင့် ရက်ပေါင်း ၁၀၀ အတွင်း သေဆုံးမှုနှုန်း ၀% (၎င်းနှုန်းထားသည် ဥရောပ သွေးနှင့် ရိုးတွင်းခြင်ဆီ အစားထိုးကုသမှုအဖွဲ့ ၏ စစ်တမ်းများ [4% နှင့်အောက်] ထက် ပိုမိုသာလွန်ကောင်းမွန်၊ ၂၀၁၃ ခုနှစ်က ထုတ်ပြန်ထားသော အချက်အလက်မှတ်တမ်းများအရ 2013;122:1072-8)
ကင်ဆာဝေဒနာရှင်များအတွက် ခေတ်မီဆန်းသစ်သော ကုသမှုနည်းလမ်းများ
ဆရီနာခရင် မှာရှိတဲ့ ကျွန်တော်တို့ရဲ့ ဗဟိုဌာနကို ၂၀၀၄ ခုနှစ်၊ စက်တင်ဘာလ ၃၀ ရက်နေ့က စတင်ဖွင့်လှစ်ခဲ့ပါတယ်။ ကျွန်တော်တို့ဆီမှာ သေသေချာချာလေ့ကျင့်ပျိုးထောင်ထားတဲ့ ကျွမ်းကျင် ဆေးဘက်ဆိုင်ရာဝန်ထမ်းများ ရှိရုံသာမက ပိုးဝင်ကူးစက်မှုကို ထိရောက်စွာ ကာကွယ်ပေးနိုင်ပြီး သန့်စင်သောလေကို ကို ပေးနိုင်တဲ့ လေဖိအားမြင့်အခန်း (Positive Pressure Room) ကဲ့သို့သော နိုင်ငံတကာစံချိန်စံညွှန်းမီ ခေတ်မီ ဆေးဘက်ဆိုင်ရာ စက်ပစ္စည်းကိရိယာများနှင့် အထောက်အကူပြု အဆောက်အအုံများကိုလည်း စုံလင်စွာ ဖြည့်ဆည်းပေးထားပါတယ်။ အပြင်းစားဓာတုဆေးသွင်းကုသမှု ခံယူနေရတဲ့ လူနာတွေ အပါအဝင် ကိုယ်ခံအားကျဆင်းနေသူများနှင့် ပိုးဝင်ကူးစက်နိုင်ခြေ မြင့်မားတဲ့ လူနာတွေရဲ့ လိုအပ်ချက် ကို ဖြည့်ဆည်းပေးနိုင်ဖို့အတွက် သီးသန့်အခန်းတွေကိုလည်း အလုံအလောက် စီစဉ်ပေးထားပါတယ်။
ရိုးတွင်းခြင်ဆီ အစားထိုးကုသမှု ဆိုတာကတော့ လူနာရဲ့ ရိုးတွင်းခြင်ဆီအတွင်းရှိ ပုံမှန်မဟုတ်သော ပင်မဆဲလ်များကို ကျန်းမာသန်စွမ်းတဲ့ Stem Cell တွေနှင့် အစားထိုးကုသပေးတဲ့ နည်းလမ်းတစ်ခုပဲ ဖြစ်ပါတယ်။ အစားထိုးလိုက်တဲ့ Stem Cell တွေဟာ လူနာရဲ့ ရိုးတွင်းခြင်ဆီအတွင်း ဆက်လက် ရှင်သန် ကြီးထွားလာပြီး သွေးနီဥ၊ သွေးဖြူဥ၊ သွေးဥမွှား နှင့် အခြားပုံမှန် တစ်သျှူးများအဖြစ်သို့ ပြောင်းလဲ ဖွဲ့စည်းပေးပါတယ်။ ဒီကုထုံးဟာဆိုရင် ရုတ်တရက်ဖြစ်ပွားတဲ့ ပြင်းထန်သွေးကင်ဆာနှင့် နာတာရှည် သွေးကင်ဆာ၊ ရိုးတွင်းခြင်ဆီ ပျက်စီးပြီး သွေးအားနည်းတဲ့ရောဂါ၊ ပြန်ရည်ကျိတ် ကင်ဆာအချို့နှင့် ထိုင်းလူမျိုးတွေမှာ အဖြစ်များလေ့ရှိတဲ့ သာလာဆီးမီးယားသွေးအားနည်းရောဂါကဲ့သို့သော မျိုးရိုးဗီဇ ဆိုင်ရာ သွေးရောဂါ ဝေဒနာရှင်တွေကို အမြစ်ပြတ် ပျောက်ကင်းအောင် ကုသပေးနိုင်တဲ့ နည်းလမ်း ကောင်းတစ်ခုပဲ ဖြစ်ပါတယ်။
ကျွန်ုပ်တို့၏ ဝန်ဆောင်မှုများ
- အသက် (၁) နှစ်မှ (၂၅) နှစ်အတွင်းရှိ ကင်ဆာရောဂါအမျိုးမျိုးနှင့် သာလာဆီးမီးယားသွေးအားနည်းရောဂါကဲ့သို့သော သွေးရောဂါဝေဒနာ ခံစားနေရတဲ့ ကလေးငယ်များနှင့် လူငယ်/လူကြီးများကို ကျွန်တော်တို့ရဲ့ အထူးကုဆရာဝန်ကြီးများက သေချာစွာ တိုင်ပင်ဆွေးနွေးပေးခြင်းနှင့် ထိရောက်သော ဆေးကုသမှုများကို ဆောင်ရွက်ပေးလျက်ရှိပါတယ်။
- ကျွန်တော်တို့စင်တာမှာ ပိုးဝင်ကူးစက်မှုကို ထိရောက်စွာ ကာကွယ်ပေးနိုင်တဲ့ လေဖိအားမြင့်အခန်း ဆိုင်ရာစနစ် အပါအဝင် နိုင်ငံတကာစံချိန်စံညွှန်းမီ ခေတ်မီဆေးဘက်ဆိုင်ရာ စက်ပစ္စည်းကိရိယာများ၊ အထောက်အကူပြုအဆောက်အအုံများနှင့် သေသေချာချာလေ့ကျင့်ပျိုးထောင်ထားတဲ့ ဆေးဘက်ဆိုင်ရာ ကျွမ်းကျင်ဝန်ထမ်းများကို အပြည့်အဝ ဖြည့်ဆည်းထားပါတယ်။ ဒါကြောင့် ရိုးတွင်းခြင်ဆီ အစားထိုး ကုသမှု ခံယူမယ့် လူနာတွေအတွက် ပြုစုစောင့်ရှောက်မှုနှင့် ဆေးကုသမှုများ ပေးအပ်နိုင်ဖို့ အသင့်တော်ဆုံးနှင့် စိတ်ချရဆုံးသော စင်တာတစ်ခုပဲ ဖြစ်ပါတယ်။
- ရိုးတွင်းခြင်ဆီ အစားထိုးကုသမှု ခံယူပြီးနောက် ပိုးမဝင်အောင် အထူးသီးသန့်ခွဲထားတဲ့ ဧရိယာ အတွင်း မှာ ဆက်လက်စောင့်ကြည့်ကုသမှုများကို ဆောင်ရွက်ပေးပါတယ်။
- အထူးကုဆရာဝန်ကြီးများနှင့် သူနာပြုများထံမှာ ဓာတုဆေးသွင်းကုသမှုခံယူနေတဲ့ လူနာတွေဟာ ဆေးရုံတက်ဖို့မလိုတဲ့ နေ့ချင်းပြီးကုသမှုစနစ်နှင့်လည်း ဒီစင်တာရဲ့ ဝန်ဆောင်မှုတွေကို လာရောက် ရယူနိုင်ပါတယ်။ ဒါ့အပြင် လူနာတွေနှင့် မိဘအုပ်ထိန်းသူတွေဟာ ကလေးသွေးရောဂါနှင့် ကင်ဆာ ရောဂါအထူးကု ဆရာဝန်ကြီးများနှင့် လည်း ရောဂါကုသမှုအစီအစဉ်များကို စိတ်တိုင်းကျ တိုင်ပင် ဆွေးနွေးနိုင်ပါတယ်။
- သွေးသွင်းခြင်း၊ ခန္ဓာကိုယ်တွင်း သံဓာတ်လွန်ကဲမှုကို ဖယ်ရှားခြင်းကုသမှုနှင့် သွေးရောဂါအထူးကု ဆရာဝန်ကြီးများဆီမှာ နောက်ဆက်တွဲ စောင့်ကြည့်ကုသမှု ခံယူခြင်း စတဲ့ ဝန်ဆောင်မှုများကိုလည်း စုံလင်စွာ ရယူနိုင်ပါတယ်။
- ကင်ဆာရောဂါ အထူးကုဆရာဝန်ကြီးများနှင့် ဆေးဘက်ဆိုင်ရာ ကျွမ်းကျင်ပညာရှင်များမှ ကင်ဆာရောဂါ အမျိုးအစားအားလုံးအတွက် တိုင်ပင်ဆွေးနွေးပေးခြင်းနှင့် ထိရောက်တဲ့ ဆေးကုသမှုများကို ဆောင်ရွက် ပေးလျက်လည်း ရှိပါတယ်။
- ရိုးတွင်းခြင်ဆီ အစားထိုးကုသမှုအတွက် လူနာနှင့် အလှူရှင်အကြား မျိုးရိုးဗီဇချင်း ကိုက်ညီမှု ရှိ၊ မရှိ စစ်ဆေးခြင်းနှင့် ပတ်သက်ပြီးတော့လည်း အကြံဉာဏ်ပေးခြင်းနှင့် လိုအပ်တာတွေကို ကူညီ ဆောင်ရွက်ပေးပါတယ်။
ကျွန်ုပ်တို့၏ အထောက်အကူပြု အဆောက်အအုံများနှင့် ဆေးဘက်ဆိုင်ရာ နည်းပညာများ
- ဆစ်မီတဝေ့ ဆရီနာခရင်ဆေးရုံကြီး (၉)လွှာမှာ ရှိတဲ့ အထူးသီးသန့်အခန်းအားလုံးမှာ အဏုဇီဝပိုးမွှားများနှင့် ဖုန်မှုန့်များကို အသေးစိတ် သန့်စင်ပေးနိုင်တဲ့ HEPA လေစစ်စနစ် နှင့် ပိုးမွှားကာကွယ်ရေး လေဖိအားမြင့်စနစ်တို့ကို အပြည့်အဝ တပ်ဆင်ထားပါတယ်။
- ခွဲစိတ်ခန်းအတွင်းမှာလည်း ရိုးတွင်းခြင်ဆီ ထုတ်ယူစုဆောင်းခြင်းအတွက် လိုအပ်တဲ့ အဆင့်မြင့် စက်ပစ္စည်း ကိရိယာများနှင့် အထောက်အကူပြု ပံ့ပိုးမှုအစီအစဉ်များကို ဆစ်မီတဝေ့ ဆရီနာခရင် ဆေးရုံတွင် ပြည့်အဝ ဖြည့်ဆည်းပေးထားပါတယ်။
- လူကြီးများနှင့် ကလေးလူနာများအတွက် ပြင်ပလူနာဌာနကိုလည်း ဆေးရုံရဲ့ (၉)လွှာမှာပဲ ဖွင့်လှစ်ပြီး ဝန်ဆောင်မှုပေးလျက်ရှိပါတယ်။
- လူနာရှင် မိသားစုဝင်များနှင့် သီးသန့် တွေ့ဆုံဆွေးနွေးရန် အခန်းများနှင့် ရောဂါရှာဖွေ တိုင်ပင်ဆွေးနွေးရန် အခန်းများကိုလည်း (၉)လွှာမှာပဲ သီးခြား စီစဉ်ပေးထားပါတယ်။
အစားထိုးကုသမှု အမျိုးအစားများ
အခြားသူထံမှ ရိုးတွင်းခြင်ဆီ/ပင်မဆဲလ် ရယူ၍ အစားထိုးကုသခြင်း (Allogeneic Transplant) – ဒီကုထုံးမှာဆိုရင် အသုံးပြုမယ့် Stem Cell တွေကို များသောအားဖြင့် မျိုးရိုးဗီဇချင်း တူညီတဲ့ မိသားစုဝင်တစ်ဦး (အထူးသဖြင့် မွေးချင်း မောင်နှမ) ဆီက လှူဒါန်းမှု ရယူလေ့ရှိပါတယ်။ HLA Matching ဆိုတဲ့ မျိုးရိုးဗီဇ တိုက်ဆိုင်စစ်ဆေးမှုကို သွေးနမူနာများ ရယူပြီး စစ်ဆေးပါတယ်။ အခြားသူထံမှ ရိုးတွင်းခြင်ဆီ အစားထိုးကုသမှုအတွက် Stem Cell လှူဒါန်းနိုင်မယ် အခြားအလှူရှင် အမျိုးအစား တွေလည်း ရှိပါသေးတယ်။
- မျိုးရိုးဗီဇ တစ်ဝက်တူညီသည့် ဆွေးမျိုးတော်စပ်သူ အလှူရှင်များ Haploidentical-related donors – မျိုးရိုးဗီဇ အပြည့်အဝ ကိုက်ညီ တဲ့ ဆွေးမျိုးသားချင်း အလှူရှင် မရှိတဲ့အခြေအနေမျိုးမှာ ဒီနည်းလမ်းကို အသုံးပြုပါတယ်။ ဒီနေရာ မှာ အလှူရှင်ဟာ လူနာရဲ့မိဘ (အများအားဖြင့် ဖခင် သို့မဟုတ် မိခင်) ဖြစ်ပြီး သူတို့ရဲ့ မျိုးရိုးဗီဇ ကိုက်ညီမှုသည် လက်ခံမယ့်လူနာနှင့် အနည်းဆုံး တစ်ဝက် (၅၀ ရာခိုင်နှုန်း) တူညီနေတဲ့ အခြေအနေ မျိုး ဖြစ်ပါတယ်။
- မျိုးရိုးဗီဇချင်း ကိုက်ညီသည့် ပြင်ပအလှူရှင်များ (Matched unrelated donor) – ကမ္ဘာတစ်ဝန်း မည်သည့် Stem Cell အလှူရှင် စာရင်းစနစ် (Stem Cell Registry) မှာမဆို စာရင်းပေးသွင်းထားတဲ့ စေတနာ့ဝန်ထမ်း အလှူရှင်တွေ ဆီကနေ မျိုးရိုးဗီဇချင်း ကိုက်ညီတဲ့ Stem Cell တွေကို ရှာဖွေလှူဒါန်းရယူခြင်း ဖြစ်ပါတယ်။
ကင်ဆာဝေဒနာရှင်များအတွက် ခေတ်မီဆန်းသစ်သော ကုသမှုနည်းလမ်းများ
"ရိုးတွင်းခြင်ဆီ အစားထိုးကုသမှုခံယူပြီးနောက် (၁) နှစ်တာအတွင်း အသက်ရှင်သန်နိုင်မှုနှုန်း 92% ရှိပါတယ်။"
မျိုးရိုးဗီဇ တစ်ဝက်တူရိုးတွင်းခြင်ဆီ အစားထိုးကုသမှု (Haploidentical Bone Marrow Transplantation) - မိသားစုဝင်များရဲ့ Stem Cell တွေကို အသုံးပြုပြီး ကင်ဆာဝေဒနာရှင်တွေကို ကုသပေးနိုင်တဲ့ ခေတ်မီဆန်းသစ်တဲ့ကုထုံးတစ်ခု ဖြစ်ပါတယ်။ ကျန်းမာသန်စွမ်း ပြီး လူနာနှင့် တိုက်ရိုက်တော်စပ်တဲ့ ဆွေမျိုးအရင်းအချာတွေ ဖြစ်ကြတဲ့ — မိဘ၊ မွေးချင်းမောင်နှမ သို့မဟုတ် သားသမီးများက အလှူရှင်အဖြစ် လှူဒါန်းနိုင်ပါတယ်။ ပိုမိုလေ့လာလိုပါက
အလင်းပေးစနစ်ဖြင့် သွေးဆဲလ်ကုထုံး (Photopheresis) - ဒါကတော့ အစားထိုးပစ္စည်းများရဲ့ ကိုယ်ခံအား ဆဲလ်တွေက လက်ခံသူရဲ့ ဆဲလ်နှင့် တစ်ရှူးများကို တိုက်ခိုက်တဲ့ရောဂါ (GvHD) ကို ကာကွယ်ဖို့ နှင့် ကုသဖို့အတွက် ခေတ်မီဆန်းသစ်တဲ့ကုထုံးတစ်ခု ဖြစ်ပါတယ်။
အလင်းပေးစနစ်ဖြင့် သွေးဆဲလ်ကုထုံး (Photopheresis) ဟာ ခန္ဓာကိုယ်အတွင်းသို့ ခွဲစိတ်ကုသရန်မလိုဘဲ နာကျင်မှုလည်းမရှိတဲ့ ကုသမှုလုပ်ငန်းစဉ်တစ်ခု ဖြစ်ပါတယ်။ အစားထိုးဆဲလ်များက လက်ခံသူရဲ့ ခန္ဓာကိုယ်ကို ပြန်လည်တိုက်ခိုက်တဲ့ရောဂါ (GvHD) ဖြစ်ပွားလာခြင်း သို့မဟုတ် ပိုမိုဆိုးရွားလာခြင်းတို့ကို တိုက်ဖျက်နိုင်ရန် အတွက် ခန္ဓာကိုယ် ကိုယ်ခံအားတုံ့ပြန်မှုကို လှုံ့ဆော်ပေးပါတယ်။ ကျွန်တော်တို့ ဆေးရုံမှာဆိုရင် ဒီကုထုံးနှင့် ကုသမှုခံယူခဲ့ကြတဲ့ လူနာတွေထဲမှာ အငယ်ဆုံးကလေးက အသက် (၂) နှစ်သာ ရှိသေးပြီး ကိုယ်အလေးချိန် အနည်းဆုံး (၁၀) ကီလိုဂရမ်သာ ရှိတဲ့ ကလေးငယ်များပင် ပါဝင်ပါတယ်။ ပိုမိုလေ့လာလိုပါက