ရေကျောက်ရောဂါဟာ Varicella ဗိုင်းရပ်စ်ကြောင့် ဖြစ်သော ရောဂါဖြစ်ပါတယ်။ ဤဗိုင်းရပ်စ်ဟာ အလွန်ကူးစက်လွယ်ပြီး နောက်ပိုင်းတွင် ဆင်ရေယုန်ရောဂါ ကိုလည်း ဖြစ်စေနိုင်ပါတယ်။ ရေကျောက်ဖုများကို တိုက်ရိုက်ထိတွေ့ခြင်းမှတစ်ဆင့် ကူးစက်နိုင်ပြီး ရောဂါရှိသူ၏ ချောင်းဆိုးခြင်း၊ နှာချေခြင်းမှ ထွက်လာသော အသက်ရှူလမ်းကြောင်းမှ အမှုန်များကို ရှူရှိုက်မိခြင်းကြောင့်လည်း ကူးစက်နိုင်ပါတယ်။ ထို့အပြင် ဗိုင်းရပ်စ်ရှိသူနှင့် ကိုယ်ရေးကိုယ်တာ အသုံးအဆောင်ပစ္စည်းများကို မျှဝေသုံးစွဲခြင်းမှတစ်ဆင့်လည်း ကူးစက်နိုင်ပါတယ်။ရေကျောက်ရောဂါကို ကလေးများ တွင် အများဆုံး တွေ့ရပြီး အေးသောရာသီများတွင် ပိုမိုဖြစ်ပွားလေ့ရှိပါတယ်။ သို့သော် ကိုယ်ခံအားနည်းသော လူကြီးများတွင်လည်း ဖြစ်ပွားနိုင်ပြီး လက္ခဏာများဟာ ကလေးများထက် ပိုမိုပြင်းထန်တတ်ပါတယ်။ သို့ရာတွင် ကာကွယ်ဆေးထိုးခြင်းဖြင့် ရေကျောက်ရောဂါကို ထိရောက်စွာ ကာကွယ်နိုင်ပါတယ်။
LOADING...